ودي ولكن ويش اسوي بودي ..الموج عالي والمواني بعيده

قصيده اعجبتني ونقلتها لكــــم

اتمنى تعجبكـــم

.
.

ودّي ولكن ويش اسوي بودّي
الموج عالي والمواني بعيـــده
.
.
ضدّي بحور و عاصف الريح ضدّي
والناس تحسبني فـ رحلة سعيــده
.
.
أمشي بدربٍ به التردّي تردّي
والوقت مايمدي على ماأريــده
.
.
عزّاه من وقتٍ مضى بي ابتحدّي
أفنيت دربي في ظروفٍ عنيـــده
.
.
وقتٍ أناسه دمعهم فوق خدّي
والخد مايحمل دموعٍ جديــده
.
.
ناسٍ اشيل همومهم فوق وجدي
لكنّ همي منهو اللي يبيـــده
.
.
هدّيت جرحي بسّ ..عيّا يهدّي
كل مالجمته قطع احبــال قيده
.
.
بيدي طعونٍ من أثر رمــح يدّي
يدٍ تخــون اللي وهبها وريده
.
.
لو كان جرحـي من عدّوي وندّي
آنا لها لو كانت اهيا عديـده
.
.
لكنّ جرحـي من قريب ومودّي
مثل الصدا يفني بجسمــي حديـده
.
.
قادر ازيل اللي بحولي مصدّي
وابري جروحي حتى لو هي مديده
.
.
بس المصيبه طيب قلبي وعهدي
مابيع دمّي لو نزفني شديـده
.
.
أهون عليّه اندفن عند جدّي
أحضن ترابه بس ماانقص رصيــده
.
.
خل الرفاقه والمحبه تعدّي
لاخير في حبٍ ذنوبـه تزيده
.
.
محدٍ من الزلات محصن بسدّي
لكن أخاف اللي يحاسب عبيده
.
.
خل الأمــاني تمسك اليوم يدّي
وابدا مع الأيـام رحله جديـده
.
.
لو قلت ودّي ولاّ خطيت ودّي
الموج عالي والمواني بعيده
.
.
ضدّي بحور وعاصف الريح ضدّي
والناس تحسبني فـ رحله سعيده

Admin المساهمات : 158 تاريخ التسجيل : 25/01/2009

واشلون بنساك وأكد بردي .... وانته بقلبي بمجرى وريده
ياكيف تبغى المحبه تعدي .... مادام حبك تزايد رصيده
وتقول انسى وباقول هدي .... ان جاك مني خطء ببيده
بس انتبه لاتفرط بودي .... واتذكر ايام ماهي بعيده

تحياتي لك يالظبيانيه

مشكورة على القصيده الرائعه

عضو جديد المساهمات : 68 تاريخ التسجيل : 02/02/2009

تسلمين يالظبيانيه على القصيده الرائعه وربي تجنن وايد حلوه

تقبلي مروري المياسه