قصيدة الشاعر سالم بن جخير في الطيارة...

هذه قصيده الشاعر سالم بن جخير في الطياره وتعتبر من اجمل القصائد


يالله انـك تستـر الحـال وتعـز الفقـيـر



يامعين الصابر اللـي علـى الشـده صبـر



يامغيـث المستغيـث ومجيـر المستجـيـر



مـن عذابـك مالنـا لا مكـان ولا مـفـر



جعل تسقى قبور الاجـداد بالوبـل الغزيـر



وتصبح القيعان من حولهـا عشـب وزهـر



يوم كـان النـاس للنـاس والدنيـا بخيـر



والبـدو منهاجهـم غيـر منهـاج الحضـر



ويوم كانت شبـت النـار فالثلـث الأخيـر



والدلال الصفـر والنجـر وبيـوت الشعـر



ياوجودي وجد شيخن قضى عمـره كسيـر



لابـرى جرحـه وكسـره جبـر ولا جبـر



كان قايد جيش والموت لامـن جـا يغيـر .



ايتحـزم للثـنـادي وضـربـه فالـصـدر



لين جاته ضربة الغـدر مـن كـف الحقيـر



سـود الله وجـه راعـى الخيانـه والغـدر



وين ابلقى لي رفيقن علـى الشـده نصيـر



لا نخيته صـار زبـده مثـل زبـد البحـر



لاتعـزوى سـل سيفـه وطلـوح بالجفيـر



وقال وين ؟ وقلـت لعيـون بـراق النحـر



راكب الـي كـن جنحانهـا جنحـان طيـر



كنهـا حـرن تعلـى عـن القـاع وشهـر



اسبق من الصوت وامضى من السيف الشطير



واسبق من السمع وابعد من حـدود النظـر



واثقل امن طويق واخف من حـب الشعيـر



واللطف امن الورد واقسى شوي من الصخر



شوفها غير .. وركوبن على الكشنات غيـر



ولا بغيت الجـد كنـك تمشـى فـي قصـر



ليت عبـاس ال فرنـاس شاهدهـا عصيـر



كـان ماخاطـر بنفسـه وحـاول وانتحـر



كلهـا هيبـه وعـزه وتطـمـح للأمـيـر



ماتجـي عنـد الخرافـي ولا عنـد الصقـر



لا استدارت كـن ذا الكـون كلـه يستديـر



ولا استقامت تسحر عيـون وقلـوب البشـر



ولا اعلن الكبتـن وقـال استعـدوا للمطيـر



شلعت في رمشـة العيـن وبلمـح البصـر



من ديـار العـز والطيـب والخيـر الكثيـر



انطلقنا مـن الكويـت وهبطنـا فـي قطـر



جيت من واقع محبه ومـن قلـب وضميـر



لجل عيـن اللـي غلاهـا تمكـن واستقـر



فـي شرايينـي وقلبـي وفكـري والنظيـر



كـل ماطولـت عنهـا يجـي دمـي فـقـر



واتفقنـا فالمحـبـه وتقـريـر المصـيـر



واختلفنا فـي المبـادي و وجهـات النظـر



ماهقيـت ان المحبـه تبـي دهنـات سيـر



لين قالت " ويش ابي فيـك ياوجـه الفقـر



كان تبغيني على طـول يـا سالـم جخيـر



لا تعـزوى بالعـذارى وحسكـات الـوبـر



خيـلا الحرشـا بصوتـن يشيـب بالغريـر



ارس ياقلـب المعنـى و وقــف ياشـعـر



واهني الـي مـن الحـب قلبـه مستخيـر



ما اشتعل قلبه من الحب لين اصبـح جمـر



والمحبه تشعـل القلـب نبضـات وسعيـر



كلهـا حـزن ومعانـاه واشـواق وسـهـر



والمحبه كنها الحـزن فـي وجـه الأسيـر



لاقضى صبـره ودمعـه علـى خـده حـدر



والمحبه كنهـا العلـم فـي وجـه النذيـر



لا ارتفع صوتـه ودقـت مزاميـر الخطـر



المحبه حمـل والحمـل فـي ظهـر البعيـر



والبعيـر شعيـل ياامـا رغـى ولا هــدر



والمجـرب فـي المحبـه يسمونـه خبيـر



يستشيرونـه ويعطـي مواعـيـظ وعـبـر



وان ذكرت العلم الأول بقـى العلـم الأخيـر



حالفن ممشي ورى النفس والقلـب الخضـر




تحيااااتي لكم