إنتهى الحب الأول وابتدا جرح جديد !!

إنتهى الحب الأول وأبتدا جرح جديد

وأنتهت قصة غريبه واسمعوها ياكرام!

صح تقليب المواجع بالسوالف مايفيد

وصح إن الصمت قاسي وأقسى من الصمت الكلام!

بس لاصارت حياتك سجن مظلم وأنت قيد

مالك إلا..لاتعبت تطير آهاتك حمام!

كان ياماكان حلم لاقريب ولابعيد

كان حلمي وكنت حلمه قبل مانولد بعام

كان يجمعني آماني كل هالدنيا في إيد

مادرى إن الأماني كانت فعينه تنام

كان يبكي لابكيت ويوم أضحك يوم عيد

يبتسم لامن ذكرني حتى لو وسط الزحام

ماأقول إنه ملاك والأكيد إنه يزيد

ولاأقول إنه خيال ولاهو مثله بالتمام

شي من هذا وذاك لاهو نار ولاجليد

اندى من ديم السحاب واسمى من معنى السلام

به حنان ولو قسى أحن من أم الوليد!

ولي عيون ترتجيه إن غاب عنها ماتنام

لكن إحساسه[وناسه]
وطيبي والحظ العنيد

وقلب نبضاته تعاسه والمصالح والملام

علموه كيف يقسى ويهدم الحلم الوحيد!

وعلموه قلبي الوفي يعني الغبا والإنهزام!

وعلموه وعلموني ومابقى شي أكيد!

غير إنه يوم حب كان حبه أي كلام

وانه يجري في عروقي من الوريد للوريد...

ورغم هذا ماكفاه وخان وآقول خله والسلام..