اسالك بالله يابوي

عضو جديد المساهمات : 79 تاريخ التسجيل : 04/02/2009

هالقصيده بصراحه عجبتني حيييل
ومؤثره اكثر لما تسمعوونها ..
اسالك بالله يابوي لا تبكيني ..

www.alhnuf.com/uploaded/2058_01180433765.rm

يا بوي ليه تبكي كل ما شفتك وعينك لي
أخاف أموت يا بويه وقبل الموت تبكيني

كفا يا بوي لا تبكي وأنا موجود معك وحي
أجل بعد الرحيل شلون في قبري توطيني

يا بوي لو تموت الناس ما تسوى دموعك ذي
وأنا يا بوي ميت قبل أموت وأنت محييني

قسم بالله يا بويه لأجل عيونك شربت الغي
شربت الهم والحرمان وبحر الويل يسقيني

تحملت السنين اللي طوتني في عذابي طي
وصار الجمر بكفوفي وتحت أقدام رجليني

يا بويه ما على عمري حسافة ولا بقى فيه شي
ولكن بطلبك يا بوي تكفى لا تخليني

يا بويه ما أبي غيرك يغسل جثتي بالمي
وتكفى قبل لا تكفني يا بويه تفك لي عيني

بأمر الله يمكن ألمحك وأرحل بعيني ضي
وأودع وجهك الطاهر مع دنياي وسنيني

وخل الناس تحملني وترفع رأسي ورجلي
وتأخذني على قبري وتكسب أجرها فيني

واذا جيت القبر يا بوي نزلني شوي شوي
ووجهني لبيت الله وقبلة المصليني

واذا تقدر أبي صورتك أمانة حطها في ايدي
لعل الله يشفع لي اذا صورتك في ايديني

وحط الطين وادفني وعز اللي يعزي في
ثلاث أيام يا بوي يجونك المعزيني

ورابع يوم يا بويه تذكر ضحكتي وعني
تذكر وش كنت أقول يوم انك تناديني

تذكر يوم كنت أنام في ظل النخل والفي
تجي يمي تصب الماء على وجهي تصحيني

تذكر جرت الموال وصوت ( ن ) في حباله كي
تذكر يوم أغني لك قصيدي وأنت توحيني

تذكر ضحكتك لا قلت لك يا بوي عشقي هي
تذكر كم قصيدة خافية ما بينك وبيني

تذكر كل شيء كان واذكر يوم (جابر) حي
ولكن أسألك بالله يا بويه لا تبكيني

» يالله اسالك توفقني لما يرضيك