حزن القصيد

موضوع: حزن القصيد الأحد فبراير 01, 2009 12:00 pm

أنا حزن القصيد اللي على اوطان الحزن حلّت
بياضك ياورق دربي وكن الحبر أقدامي
***

أنا غيمة شقا منها ملامح جرحي ابتلّت
أعاني طعنة الوحده واصاحب ظلي الدامي
***

سيوف الياس من حرب الزمن في وجهي انسلّت
سيول الغدر من خلفي ورياح الظلم قدامي
***

حملت هموم لو ترقى الجبال الراسيه اختلّت
أنا مدري على همي وش اللي صبّر عظامي ؟
***

أنا اللي دنيتي مني قبل لا اشوفها ملّت
كبرت وماتحقق لي فعمري أصغر احلامي
***

أشوف ان الفرح طفلٍ بوقتي يدّه انشلّت
وانا صرت اجمع بيدّي دموعي ونزف أقلامي
***

بكى في داخلي قلبي وروحي كنها ولّت
زماني طاح من عيني ويبست نبتة اعوامي
***

بقى فيني جسد خالي وعينٍ تسهر وهلّت
وحروفٍ ضايعه مابين معنى الحزن والهامي
***

أحس البسمه في شفاتي سجينة صمت وانذلّت
وانا حيّه ورثني الهم واستولى على اقسامي
***

أنا صحرا أمل ماشفت غيمه لاجلها طلّت
هجرني الناس واندثرت على وجه الثرى خيامي
***

أنا مو عاشقه وابكي ولاني بنت قد زلّت
ولكن صعب..صعب..اشوف نفسي تموت قدامي

عضو جديد المساهمات : 25 تاريخ التسجيل : 28/01/2009

صح لسان الشاعر

مشكور اخوي على المشاركة الرائعه

ودايماً ننتظر جديدك

تحياااتي لك

اخوووك الـــمــرادي